BHARAT NIRMAN IN MIZORAM
PMGSY hi a lam pum chu Pradhan Mantri Gram Sadak Yajona a ni. He programme hian a tum chu thingtlang khua mihring cheng (Population) 500 chin (Phai ram tan) leh 250 chin (tlang ram tan) te chu Motor kawng tha (All Weather Road)-a tlawh tir vek ani. Hei hi India ram puma thingtlang mite chawikan nana ruahman a ni a. Kawng tha in a tlawh chuan an thlai dehchhuah te awlsam takin Bazar (market) –ah man man zawkin an hralh thei ang a, damdawi In tha leh School tha an nei theih anga, awlsam takin hmunpui zawk an pan thei bawk ang a, thiamna leh hriselna lamah pawh hma nasa takin an sawn thei dawn a ni. Chuvang chuan he programme hi thingtlang mite chawikanna tha tak a ni a, khawvel ram thang mek te pawhin an entawn mek a ni.
PMGSY hi Bharat Nirman Programe Pengkhat Rural Roads (Thingtlang kawng) lam hna thawhna tura progamme a ni. Kum 2005 – 06 a Bharat Nirman Programme tan a nih khan PMGSY hnuaia khua mihring 500 chenna chin chu Bharat Nirman Programme hnuaiah hian sengluh tel a ni ta a ni. Chutichuan kawnglaih bikah chuan Bharat Nirman zawng zawng hi PMGSY a tel a ni a, PMGSY kawng zawng zawng erawh chu Bharat Nirman ah a tel chuang lo a ni.
He programme hi kum 2000, August ni 15 khan India Prime Minister in a puang a. He hna enkawl tur hian India sawrkar chuan Ministry of Rural Development hnuaiah India ram pum tan “National Rural Roads Development Agency (NRRDA)” a din a, Delhi-ah office hrang neiin a awm a ni. Tin, State tinah State Rural Roads Development Agency (SRRDA) din vek bawk a ni a. Mizoram-ah pawh Mizoram Rural Roads Development Agency (MiRRDA) din a ni a, Chief Secretary chu Chairman niin, PWD Secretary chu Member Secretary a ni. Tin, MiRRDA-ah hian Chief Executive Officer chu PWD, Engineer-in-Chief a ni a, Finance Controller chu Joint Director of Accounts, PWD., E-in-C Office a ni. Tin IT (Information Technology) lama tan Nodal Officer ruat a ni bawk a ni.
PMGSY hnuaia kawng laih te hi 5.2, 5.5, 6 mtr ( 20ft) a zau laih a ni a, tlang ram atan chuan chhawng hnih stage I leh stage II a thawh thin a ni a, phai ramah erawh chuan stage khat a thawh zel thin a ni. Stage I chuan lei laih ( Formation Cutting ) leh Culvert leh Retaining wall siamtr a huam a; stage II chuan pavement (Black top) hna a huam a ni. Stage I (connected) a tih te chu Stage II thleng a zawh chauh hi a huam a, chu chu’ All Weather Road’ ( Kumtluana motor service theihna ) tih a ni. Chuvang chuan khua kawngin a pawh a, motor kal thei ringawt hi Connected tih a ni lova, fur a thala motor service theihna, Black top kawngin a tlawh chauh hi connected a tih chu a ni. ,,,
